प्रगतिशील लेखक संघ, नवलपुरले नयाँ कदम अंक ५ काो लोकार्पण, पुरस्कार वितरण तथा कविता वाचन कार्यक्रम सम्पन्न गरेको छ ।
कथा बिशेषाङ्कको रूपमा रहेको नयाँ कदमको पाँचौं अंकको लोकार्पण गरेको हो । त्यसैगरी कावासोती नगर भित्रका माध्यमिक विद्यालयमा फरक फरक शीर्षकबाट लेख्न पठाईएको निबन्धबाट प्रथम, द्वितीय र तृतीय गरि ५ वटा विद्यालयका १५ जना विद्यार्थीलाई पुरस्कृत गरिएको थियो । सोही कार्यक्रममा कविता वाचन कार्यक्रम पनि गरिएको थियो ।
संस्थाका अध्यक्ष काशिराम गैरेको अध्यक्षतामा भएको कार्यक्रममा साहित्यकार, लेखक तथा समालोचक डा. धनपति कोईरालाको प्रमुख आतिथ्यता रहेको थियो ।
कावासो नगरपालिकाका शिक्षा अधिकृत राजन पाण्डे र प्रगतिशील लेखक संघका गण्डकी प्रदेश सचिव जीवन युगीनको विशेष आतिथ्यता रहेको कार्यक्रममा १ दर्जन स्रष्टाहरूले रचना बाचन गरेका थिए ।
मध्यविन्दु बहुमुखी क्याम्पस, कावासोतीमा भएको कार्यक्रमको सहजीकरण संस्थाका सचिव ईश्वर खनालले गरेका थिए ।
