धादिङ । लायन्स क्लब अफ् नेपाल टुरिजमले मनकामना आधारभूत विद्यालय सिद्धलेक-५ धादिंगमा पोशाक वितरण गरेको छ | मंसिर ९ गते गरिएको वितरण कार्यक्रममा ९८ जना बालबालिकाका लागि नि:शुल्क पोशाक वितरण गरिएको हो |
कार्यक्रममा लायन्स इन्टरनेशनल डिस्ट्रिक्ट ३२५ एसका डिस्ट्रिक्ट चिफ लक्ष्मण अर्यालको संयोजनमा विद्यार्थीहरुलाई पोशाक वितरण गरिएको थियो । कार्यक्रममा विद्यालय व्यवस्थापन समितिका अध्यक्ष मान बहादुर घलेले लायन्स क्लब अफ् नेपाल टुरिजमले प्रशंसनीय काम गरेको बताए ।
विद्यालयका प्रधानाध्यापक ध्रुव प्रसाद सिलवालले खुशी ब्यक्त गर्दै धन्यवाद ज्ञापन गरे | लायन्स इन्टरनेसनल डिस्ट्रिक ३२५ एस नेपालका डिस्ट्रिक एक्जुकेटिभ चिफ अन्जन थापा (कुमार) को पहलमा उक्त कार्यक्रम भएको थियो |
आर्थिक अभावका कारण विद्यालयमा अध्यायनरत विद्यार्थीहलाई पोशाक खरिद गर्न समस्या भएको भन्ने जानकारीमा आएपछि आफ्नो कार्यकालको कार्यक्रमका रुपमा समस्यामा परेका विद्यार्थीलाई सहयोग गरिएको क्लब प्रेसिडेन्ट किरण पाण्डेले बताए ।
विद्यार्थीको उज्वल भविष्यको कामना गर्दै न्यानो पोशाकले विधार्थीलाइ जाडोबाट जोगाउने र विधार्थीको आत्मबल बलियो भई शैक्षिक नतिजा राम्रो आउने आशा ब्यक्त गरे । लायन्स क्लब अफ नेपाल टुरिजम आयोजक रहेको कार्यक्रममा लायन्स क्लब अफ सिद्देश्वरले सहयोग गरेको थियो |
