कावासोती, जेठ २७ गते । नवलपुको देवचुलीमा रहेको सिजी धाम मन्दिरको गजुर सफा गर्ने क्रममा लडेर एकजना गम्भीर घाइते भएका छन्।
नवलपुरको देवचुली नगरपालिका २ स्थित सिजी धाम मन्दिरको गजुर माथी चढी सरसफाई गर्ने क्रममा करिब ८ मिटर माथीबाट खसेर एक पुरूष गम्भीर घाइते भएको जिल्ला प्रहरी कार्यालय नवलपुरले जानकारी दिएको छ ।
घाइते हुनेमा देवचुली ५ बस्ने १९ वर्षीय याम बहादुर मगर रहेका जिल्ला प्रहरी कार्यालयले जनाएको छ। उनको टाउको, नाक, घाटी, शरीरका अन्य भागमा चोट लागि उपचारको लागि मनकामना अस्पताल भरतपुर चितवन पठाईएको प्रहरीको भनाइ छ ।हालसम्म उनी बेहोस अवस्थामा रहेको र घटनाको सम्बन्धमा थप अनुसन्धान भईरहेको प्रहरीले जानकारी दिएको छ। उनी हिजो उक्त गजुर सफा गर्ने क्रममा लडेका थिए ।
