मधेस प्रदेशका मुख्यमन्त्री सरोजकुमार यादवलाई २४ घण्टाभित्र विश्वासको मत लिन लगाउन सर्वोच्च अदालतले परमादेश जारी गरेको छ।
३ दिन लामो सुनुवाइ गरेपछि सर्वोच्च अदालतका न्यायाधीश हरिप्रसाद फुयाल र नित्यानन्द पाण्डेको इजलासले २४ घण्टाभित्र विश्वासको मत लिन लगाउन प्रदेश प्रमुखको नाममा परमादेश जारी गरेको हो।
एमालेबाहेकका दलहरूले धारा १६८(२) बमोजिम सरकार गठनका लागि छलफल गरिरहँदा भण्डारीले ठूलो दलको संसदीय दलको नेताको हैसियतमा यादवलाई कात्तिक २४ गते १६८ (३)अनुसार मुख्यमन्त्री नियुक्त गरेकी थिइन्।
मुख्यमन्त्री यादवको नियुक्ति र शपथ विवादमा परेपछि सरकारको सिफारिसमा राष्ट्रपति रामचन्द्र यादवले प्रदेश प्रमुख सुवेदीलाई पदमुक्त गर्दै सुरेन्द्र लाभलाई नियुक्त गरिसकेको छ।
