बिजुली झट्का वा करेन्ट लाग्नु एक गम्भीर अवस्था हो । जसका कारण मानिसको ज्यान समेत जान सक्छ । तर, बिजुलीको झट्का लागेपछि समयमा उचित उपचार भयो भने जोखिमबाट बच्न सकिन्छ ।
खुल्ला तारबाट विद्युतीय झट्का लाग्ने सम्भावना बढी हुन्छ । जसका कारण छाला जल्न सक्छ। कयौं पटक यसबाट शरीरलाई कुनै हानि नदेखिए पनि आन्तरिक रुपमा घातक साबित हुन सक्छ । यस्तोमा कुनै व्यक्तिलाई विद्युतीय करेन्ट लागेमा ज्यान जोगाउन प्राथमिक उपचार गर्नुपर्छ ।
यी कुरालाई ध्यानमा राख्नुपर्छ
- यदि कुनै व्यक्तिलाई बिजुलीको झट्का लागेको छ भने, उसलाई खाली हातले छुनु हुँदैन । यदि त्यहाँ मुख्य स्विच छ भने, यसलाई तुरुन्तै बन्द गर्नुपर्छ ।
- पावर बन्द नभएसम्म हाई भोल्टेज तारको नजिक जानु हुँदैन । यदि तारबाट ‘स्पार्किङ’ आगोको झिल्का आइरहेको छ भने, लगभग २० फिटको दूरी कायम राख्नुपर्छ ।
यी हुन् लक्षण
बिजुलीको झट्का गम्भीर भएमा शरीरमा गम्भीर समस्या आउनुका साथै केही लक्षण पनि देखा पर्छन् ।
- गम्भीर जलन
- सास फेर्न समस्या हुनु
- मुटुको चालको समस्या
- एक्कासी मुटु चल्न बन्द हुनु
- मांसपेशी दुखाइ र संकुचन
- बेहोस हुनु
- एक्कासी छट्पटिनु
बिजुलीको झट्का लागेमा तुरुन्तै यो उपचार गर्नुपर्छ
- कोही कसैलाई बिजुलीको झट्का लाग्दा तुरुन्तै प्राथमिक उपचार गर्नुपर्छ । बिजुलीको झट्का लाग्ने बित्तिकै प्राथमिक उपचार गरेमा व्यक्तिलाई धेरै राहत मिल्छ । साथै, जोखिमबाट पनि बचाउन सकिन्छ ।
- यदि कसैलाई बिजुलीको झट्का लाग्यो भने, तुरुन्तै मुख्य स्विच बन्द गर्नुपर्छ । अब प्लास्टिक वा काठबाट बनेको कुनै पनि स्रोतबाट पीडितलाई टाढा राख्ने प्रयास गर्नुपर्छ ।
- यदि व्यक्तिलाई खोकी लागेको छ र सास फेर्न गाह्रो भइरहेको छ भने तुरुन्तै सीपीआर दिनु उचित समाधान हुनेछ । बिजुलीको झट्काले मानिसलाई चिसो महसुस हुन्छ । यस्तो अवस्थामा मानिसलाई चिसोबाट बचाउने प्रयास गर्नुपर्छ ।
- जहाँ करेन्ट लागेको छ त्यहाँ ब्यान्डेज गरिदिनुपर्छ । कम्बल र तौलिया प्रयोग गर्नु उचित हुँदैन किनकि यस्ता फाइबर टाँसिने र जल्न सक्छन् ।
- बिजुलीको झट्काबाट बच्न चाहने हो भने घरका सबै खुला तारहरू बन्द गर्नुपर्छ । बच्चाहरूलाई खुला तारहरूको पहुँचबाट टाढा राख्नुपर्छ । बिजुलीको बिन्दु छुँदा चप्पल लगाउनुपर्छ । साथै, चिसो हातले बिजुलीका उपकरणहरू छुने गल्ती गर्नुहुँदैन ।
केही सावधानी अपनाएमा विद्युतीय झट्काबाट बच्न सकिन्छ । यदि कुनै व्यक्तिलाई बिजुलीको झट्का लागेको छ भने पहिले प्राथमिक उपचार लागू गर्नुपर्छ । त्यसपछि जतिसक्दो छिटो अस्पताल गएर चिकित्सकको परामर्श लिनुपर्छ ।
