बोमलाल गिरी
नवलपुर, भदौ ११ गते । नवलपुरबाट रोजगारीका लागि रसुवा पुगेका १२ जना सम्पर्क विहिन भएका छन् । जिल्लाको मध्यविन्दु नगरपालिका–१ र ५ मा स्थायी बसोवास भएका १२ जना रसुवा बाढीपछि वेपत्ता भएका नगर कार्यपालिकाले जनाएको छ ।
नगरपालिकाले सूचना निकाली दिएको जानकारी अनुसार मध्यविन्दु–१ का हेम बहादुर चौधरी, हुसन बहादुर थारु र कालिराम महतो थारु रहेका छन् ।
त्यस्तै मध्यविन्दु–५ का हेम बहादुर चौधरी, जीवन विक, गंगाराम मुखिया, विशाल मुखिया, सिताराम महतो, उमेश महतो, एकादेव महतो, नुम नारायण महतो, केशव प्रसाद महतो र तेज बहादुर थारु रहेका नगरपालिकाले जनाएको छ ।
उहाँहरु सबै जना रसुवागढीको टिमुरेस्थित तेन्जिङ शेर्पा हाइड्रो पावर विल्डिङ कन्स्ट्रक्सनमा कार्यरत रहेको बताइएको छ ।
यसैबीच नवलपुरको देवचुली नगरपालिकाले प्रधानमन्त्री दैवी प्रकोप उद्धार कोषमा आठ लाख रुपैयाँ जम्मा गर्ने निर्णय गरेको छ ।
नगरप्रमुख हरि प्रसाद न्यौपानेका अनुसार पालिकाको तर्फबाट चार लाख र जनप्रतिनिधि तथा कर्मचारीको तर्फबाट चार लाख गरी आठ लाख रुपियाँ कोषमा जम्मा गर्ने निर्णय भएको जानकारी दिए ।
