नवलपुर, मंसिर १० गते । आफ्नै छोराको कुटाइबाट नवलपुरमा बुबाको मृत्यु भएको छ । गएराति हुप्सेकोट गाउँपालिका–१ जुगेपानीका ३० वर्षीय छोरा सन्त कुमारको कुटाईबाट ६० वर्षीय बुबा रामबहादुर बिकको मृत्यु भएको नवलपुर प्रहरीले जनाएको छ ।
बाबुछोराबीच सामान्य घरायसी बिवादको कारण झै–झगडा हुँदा कुटपिट तथा मुक्का प्रहार गरी गंभिर घाइते हुनु भएका रामबहादुरको उपचारको लागि मध्यबिन्दु प्रादेशिक अस्पताल डण्डा लगिएकोमा राति नै चिकित्सकले मृत घोषणा गरेका जिल्ला प्रहरी कार्यालयका सूचना अधिकारी, प्रहरी नायव उपरीक्षक मधु नेपालले जानकारी दिए ।
स्थानीयका अनुसार अंशबन्डाको विवादमा गए राति छोराले मापसे गरी ६० बर्षीय बुवालाई गम्भीर घाइते हुने गरी कुटपिट गरेका थिए । कुटपिट गर्ने सन्त कुमारलाई प्रहरीले नियन्त्रणमा लिइ अनुसन्धान गरिरहेको नेपालले बताए ।
